Ֆիդո Ինվեսթը գործարկել է նոր հավելված

Ֆիդո Ինվեսթ ՓԲԸ-ն գործարկել է SUPERRA բջջային հավելվածը, որը հնարավորություն է տալիս իր օգտատերերին խելամտորեն կառավարել խնայողությունները:

 

SUPERRA-ն ներդրումների և խնայողությունների կառավարման հավելված է բազմաթիվ առավելություններով, որոնք այն առանձնացնում են՝ դարձնելով ձեր ամենախելացի ընտրությունը:

 

Հավելվածին կարելի է ծանոթանալ երեք տարբեր եղանակով՝ որպես հյուր, գրանցվելուց հետո և հաշվի բացումից հետո։

 

Օգտատիրոջ համար հարմար ինտերֆեյսը հեշտացնում է հավելվածում կողմնորոշման գործընթացը և ըմբռնումը այնպես, որ յուրաքանչյուր ոք, ով ցանկանում է մուտք գործել խնայողությունների աշխարհ, կարող է հասկանալ այն առանց ոլորտում հատուկ փորձի:

 

SUPERRA-ն առաջարկում է Հայաստանում առկա պետական ​​և կորպորատիվ բոլոր արժեթղթերը մատչելի դրույքաչափով: Ավելին, հավելվածն ունի պարտատոմսի հաշվիչ, որի միջոցով օգտատերերը կարող են հաշվել պարտատոմսի գինը և եկամտաբերությունը:

 

Տարբեր հարթակներում օգտատերերը հնարավորություն կունենան գտնել տեսանյութեր և ուղեցույցներ, որոնք կօգնեն հավելվածը ուսումնասիրելիս:

 

20 Սեպտեմբերի 2023